أماكن للسياحة فالمغرب

أكادير #أكادير
الناس لي جاو أو جايين لأكادير ماتبقاوش غير ف مارينا وأگادير باي ، هاهوما البلايص لي تقدرو تمشيو ليهوم :
* التيليفيريك وتما غاطلع لأكادير اوفلا لي فيه واحد المنظر پانورامي كتشوف المدينة كاملة (من الأحسن بالليل)
* كاينة La Médina d’Agadir لي هي بلاصة واعرة بزاف خاصك تمشي (الدخلة شي ربعين درهم)
* تقدر دير خرجة باليخت ، كاينة ديال النهار فيها الغداء وكائنة غير ديال الغروب ابتداءا من شي 100 درهم
* بغيتي البحر سير لأنزا اورير لتغازوت لي كولشي كيعرفها أو يمي وادار ، وضرب دورة ف حدا يمي وادار فيها دوك الديور ملوّنين لي كتشوف ف التصاور بلاصة زوينة وعائلية وتقدر تمشي حتال إمسوان دوز نهار وترجع
* أو سير ل ميرلفت أو الگزيرة حتى هوما بحورا زوينين وأماكن قريبة لأكادير (ساعة او ساعة ونص تقريبا)
* بغيتي جبال والطبيعة والماء ، سير ل جهة Paradise vallée ، وايموزار عطى الله تما les auberges وبأثمنة معقولة تقدر تبات تقدر غير دوّز النهار وترجع
* بغيتي شي پيسين وسط المدينة ، عطى الله الخير كاينين auberges et hotels كايديرو pass journée فيها پيسين وغداء، Dar maktoub، paradis nomades، Atlas Kasbah وفنادق حتى هوما غير هادو كيكونو ناقصين شوية ف الثمن بالمقارنة مع اوطيل أو إلى بغيتي ليطوبوگون سير اطلنتيكا پارك
* عندك وليدات، ضرب دورة ف Crocoparc تشوف التماسيح والثعابين والنباتات ، العفاريت لا
* تقدر تمشي كذلك ل Agadir Dolphin World فيه شوو ديال الدلافين غادي يعجب الوليدات بزاف
* دوز طل على سوق الأحد لي تقدر تلقى فيه أي حاجة طاحت ليك على بالك
* كاينة منطقة تيملالين ف ايتامر (تامري)، لي فيها كتبان رملية كايديرو فيها داك sandbording (السورف د الرملة)
* كاينة قهوة دينوزور ف أنزا تقدر تشرب قهوة وتستمتع بالمنظر على البحر ومعروفة حتى هي
* جيتي جيتي دير نهار سير ل تيزنيت على بعد 70 كيلومتر فقط ودير شي نهار ل تارودانت حتى هي مدينة مجاورة شي 90 كيلومتر
إلى نسيت شي بلاصة فكروني الإخوان …
# #فكات_تيساع_استيس_نتمازيرت #فكات_تيساع_استيس_نتمازيرت #الله_يعاونهوم_ياربي #بنات_القرية_خط_أحمر #الهنا_أوريلي_الهول_والي #أكادير #فنانة #امازيغية #المغرب #إيمورران

* عندك وليدات، ضرب دورة ف Crocoparc  التماسيح والثعابين والنباتات ، العفاريت لا 
* تقدر تمشي كذلك ل Agadir Dolphin World فيه شوو ديال الدلافين غادي يعجب الوليدات بزاف
* دوز طل على سوق الأحد لي تقدر تلقى فيه أي حاجة طاحت ليك على بالك 
* كاينة منطقة تيملالين ف ايتامر (تامري)، لي فيها كتبان رملية كايديرو فيها داك sandbording (السورف د الرملة)
* كاينة قهوة دينوزور ف أنزا تقدر تشرب قهوة وتستمتع بالمنظر على البحر ومعروفة حتى هي

لبعض الأسواق الأسبوعية

الثلاثاء بوسكورةالأربعاء أولاد جرارالخميس مديونةالجمعة فوكوالسبت تيط مليلالأحد السوالم